Maadhimisho ya Siku ya Jumuiya ya Afrika Mashariki, 30/10/2015

Tarehe 30/10/2015, Balozi za nchi za Jumuiya ya Afrika Mashariki zilizopo Paris Ufaransa ziliadhimisha siku ya Jumuiya ya Afrika Mashariki ambayo mkazo wake ulikuwa ni kuenzi ; kudumisha ; kukuza ; na kutangaza lugha ya Kiswahili. Shughuli hii ilifanyika katika makazi ya Mhe. Begum K. Taj, Balozi wa Tanzania Ufaransa ambaye ni mwenyekiti wa Mabalozi wa nchi za Jumuiya hii.

Kwa kawaida siku hii inaadhimishwa kila mwaka tarehe 30/11. Lakini, kutokana na umuhimu wa mkutano ujao wa Kimataifa wa Tabia Nchi (COP 21) utakofanyika Paris kuanzia tareh 30/11 – 12/12 Desemba 2015, mabalozi wa nchi hzi waliona ni vyema kuadhimisha siku hii mwezi Octoba ili kupata nafasi nzuri ya kushiriki katika ufunguzi wa COP 21.

Read more ...

Rais Kikwete azindua majengo ya Ubalozi Paris, Ufaransa

Serikali ya Jamhuri ya Muungano wa Tanzania kupitia Wizara ya Mambo ya Nje na Ushirikiano wa Kimataifa imezindua majengo mawili jijini Paris, Ufaransa ikiwa ni sehemu ya utekelezaji wa mkakati mahsusi wa kumiliki majengo ya Serikali nje ya nchi.

Majengo hayo ya ofisi ya Ubalozi na makazi ya Balozi yaliyogharimu Serikali Euro milioni 22, yalizinduliwa rasmi na Mhe. Jakaya Mrisho Kikwete, Rais wa Jamhuri ya Muungano wa Tanzania na kushuhudiwa na viongozi mbalimbali wa Wizara ya Mambo ya Nje na Jumuiya ya Wanadiplomasia na Watanzania jijini Paris tarehe 28 Januari 2015.

Read more ...